当前位置:主页 > 发展家电 >【名家专栏】【Kenneth Kwok】 数业人生: 谈个人

【名家专栏】【Kenneth Kwok】 数业人生: 谈个人

发布时间:2020-05-22  作者:   分类:发展家电  
「个人」

管理学入面有一样关于工作生存嘅法则,就係建立个人品牌。而点解要建立个人品牌嘅原因係因为现今社会嘅竞争越嚟越犀利,要大家认识你,了解你同接受你,首先就係要充分表现自己嘅能力。就算你识上天下海都无用,如果只係埋头苦干係咁做,而无人知道你嘅能力,其实好难去继续发展自己既事业。当然以前係大公司入面做嘢已经深深咁感受到!

「品牌」

最近见到好多人都以个人名义去建立品牌,当然有好同唔好。因为如果所有嘢都係因为一个人先至可以成事嘅话,发展空间係其实相当有限,而当个人品牌变咗做产品嘅时候,其实可以做到几多年?所以开头靠个人品牌去建立係一件好事,但係如果业务开始扩大嘅话其实係需要转型。只不过要将个人同公司完全脱勾係一件好难嘅事,所以好多时都同人讲唔好搵我,搵我公司!

「庆幸」

如果要係公司建立个人品牌嘅话,其实最紧要嘅係唔好经常转工,尤其係大公司!当然唔係叫你玩政治,因为通常会死得快啲。要稳打稳扎之余仲要谂点样可以做好啲!如果觉得唔啱嘅,其实可以提出解决方案,而且要坚持,因为改变大公司嘅政策同流程唔係一日半日嘅事。当然最紧要嘅唔好怕蚀底,仲要主动争取机会。虽然离开咗大公司就嚟十年,庆幸嘅係仲有好多人记得我。

本文内容由作者 Kenneth Kwok 授权转载,原文标题为:个人化,文章标题由 TechApple 编辑部修订。以上言论属于作者个人意见,并不代表 Techapple.com 立场。

【名家专栏】【Kenneth Kwok】 数业人生: 谈个人作者简介:郭嘉俊 Kenneth Kwok ,毕业于澳洲麦觉理大学工商管理硕士,近年专注数据分析行业推广同发展。曾从事平面设计,网站开发,企业管理及商业谘询等工作,于 2010 年创办 Beehive Strategy (蜂策略),为亚太地区不同企业提供数据分析服务。公司网址:Beehive Strategy

相关文章