当前位置:主页 > 学术驱动 >【名家专栏】【Kenneth Kwok】数业人生 : 数据是

【名家专栏】【Kenneth Kwok】数业人生 : 数据是

发布时间:2020-05-22  作者:   分类:学术驱动  
「尊重」

数据係一样好冷血嘅嘢,而要利用数据去做商业决定嘅话,咁首先就唔好质疑数据,除非啲数据係收集嘅过程就已经出错咗!如果唔係分析完结果之后,好多时就会出现输打赢要嘅局面。因此要用数据去营运一间公司嘅话,首先当然要确保数据嘅準确性。无人可以话你所收集嘅数据係百分百準确,因为事实上係好难,只不过如果选择利用数据就应该尊重个结果!

「数据」

点为之尊重自己嘅行业?好简单,就係尊重数据!经过无数次被击倒嘅感觉真係唔係几好受,但係数据唔会欺骗你,係咁嘅就係咁,无得呃!好多时都会遇到一啲公司表面话要用数据去了营运业务,但係当做完分析之后就质疑啲数据,就算用唔同嘅方法去证明同一件事,到头来佢哋都係继续一如以往,自己行自己嗰套,就係继续相信过往嘅经验。

「经验」

当然我唔会否定过往嘅经验,因为我好多时都会讲,分析嘅结果係好在乎分析嘅角度!就算角度一样,但係时间,环境同行业都唔同嘅话,其实出嚟个结果都会好唔同。不过愿赌要服输,就算个结果好定坏,其实都要去接受!边度有可能输打赢要?就係因为要知道问题嘅根源,所以先至要用数据。数据虽然唔係万能,但係今时今日嘅公司无数据就万万不能!

本文内容由作者 Kenneth Kwok 授权转载,原文标题为:要认输,文章标题由 TechApple 编辑部修订。以上言论属于作者个人意见,并不代表 Techapple.com 立场。

【名家专栏】【Kenneth Kwok】数业人生 : 数据是作者简介:郭嘉俊 ,毕业于澳洲麦觉理大学工商管理硕士,近年专注数据分析行业推广同发展。曾从事平面设计,网站开发,企业管理及商业谘询等工作,于 2010 年创办 Beehive Strategy (蜂策略),为亚太地区不同企业提供数据分析服务。

公司网址:Beehive Strategy

相关文章